Þegar skattaprósentan lækkar hjá öllum jafnt óháð tekjum er það ekki endilega sanngjarnt. Ekki nema fólk telji sanngjarnt að fólk með mjög háar tekjur fái mun fleiri krónur í budduna við slíka skattalækkun en hinir efnaminni.

Fólk með háar tekjur þarf ekki frekari skattaafslátt. Sérstaklega þegar fólk með lágar tekjur hefur ekki efni á mat eða að fara til læknis, kaupa lyf, mennta sig o.s.frv. Það er einfaldlega léleg nýting á opinberum fjármunum að láta fólk sem á pening fá meiri pening. Heilbrigð skynsemi, mannúð og já líka hagfræðin segir að það sé mun betra að bæta kjör þeirra verst stöddu.